Հանքարդյունաբերության թույլտվության նկատմամբ մորատորիում կիրառելու առաջարկությունն այդպես էլ չանցավ ՀՀ ազգային ժողովում: Տնտեսական հանձնաժողովը մերժել է այն՝ առաջ քաշելով Հայաստանում տնտեսական ներդրումների վրա ներգործելիք բացասական ազդեցությունները:

Առաջարկությանն ընդդիմացողները պնդել են, որ Հայաստանի կառավարությունը ներկայումս նախաձեռնում է հանքարդյունաբերության ռազմավարություն մշակելու գործընթաց, նախքան հանքարդյունաբերության օրենսդրության մեջ փոփոխություններ կատարելը: Ըստ կառավարության տվյալներին՝ ռազմավարությունը կմշակվի 2020 թ. ընթացքում:

Եթե առաջարկությունն ընդունվեր Ազգային ժողովի կողմից, ապա երկամյա մորատորիում էր կիրառվել հանքարդյունաբերության թույլտվության նկատմամբ, ըստ որի՝ երաշխավորվելու էր, որ ոչ մի նոր հանք չի շահագործվելու գործող օրենսդրության ներքո:

Ազգային ժողովի պատգամավորներ Լենա Նազարյանի, Վարազդատ Կարապետյանի և Մերի Գալստյանի՝ 2019 թ. նոյեմբերին ներկայացրած առաջարկությունը Տնտեսական հանձնաժողովի կողմից վերանայվել և մերժվել է 2020 թ. մարտին:

Հակառակ այն փաստին, որ Հայաստանում հանքարդյունաբերության ոլորտը գտնվում է քաղաքական դիսկուրսի կիզակետում, հատկապես այն իրողությունից հետո, երբ ՀՀ կառավարությունը հանձնարարել էր Էլարդ կազմակերպության՝ հետաքննել Լիդիան Արմենիա ընկերության Ամուլսարի նախագիծը, պետք է նշենք, որ աննշան առաջախաղացում է տեղի ունեցել ոլորտի բարեփոխման գծով:

Քաղաքացիական հասարակության կազմակերպությունները և պատասխանատու հանքարդյունաբերության իրավապաշտպաններն այժմ այլ հնարավորություններ են որոնում՝ հանքարդյունաբերության ոլորտում բարեփոխումներ գործադրելու նպատակով:

Հայաստանում հանքարդյունաբերության ոլորտի զարգացումներին հետևելու համար՝ այցելե՛ք ՀՕԲԿ կայքը: