Ս.թ. նոյեմբերի 6-ին քաղաքացիական հասարակության շահառու խմբերը Հայաստանի ամերիկյան համալսարանում մասնակցեցին «Հանքարդյունաբերության օրենսդրության բարեփոխման նախաձեռնության» (ՀՕԲՆ) կազմակերպված Հայաստանում հանքարդյունաբերության ոլորտի խնդիրները և դրանց լուծումները թեմայով քննարկմանը: 

Քննարկման թեմաներն էին հանքարդյունաբերության ազդեցությունը շրջակա միջավայրի, ազդակիր համայնքների, տնտեսության և այլ ոլորտների վրա:

ՀՕԲՆ ծրագրի նորանշանակ ղեկավար Վարանդ Մկրտիչեանը ասաց. «Մենք միասին սկսել ենք հանքարդյունաբերությունը կրկին քաղաքական օրակարգի մաս դարձնելու գործընթաց», ապա շարունակելով՝ հավելեց. «Մեր նպատակն է աշխատել, որ հանքարդյունաբերության ոլորտից քաղած օգուտը գերազանցում է դրա բացասական ազդեցությանը Հայաստանի և հայ ժողովրդի համար»: 

Քաղհասարակության ներկայացուցիչներ մասնակցեցին շուրջ երկու ժամ տևած կլոր սեղան-քննարկմանը՝ խոսելով աղբահանության կառավարման, հողերի վերականգնման, ջրի որակի և այլ խնդիրների մասին:   

Այս կլոր սեղան-քննարկումը առաջինն էր ՀՕԲՆ ծրագրի շրջանակներում կազմակերպված միջոցառումների շարքում, որի նպատակն է  Հայաստանում հանքարդյունաբերության ոլորտի հայեցակարգ մշակելը և ծրագրի ավարտին հանքարդյունաբերության ոլորտի վերաբերյալ քաղաքականություն ունելալը:

Խոսելով քաղհասարակության ակտիվ մասնակցության մասին՝ Մկրտիչեանը ասաց. «Այս թափանցիկ և ներառական գործընթացը մեզ կտանի դեպի ավելի կայուն հանքարդյունաբերություն»: 

ՀՕԲՆ ծրագրի շրջանակներում իրականացվող միջոցառումների մասին լրացուցիչ տեղեկությունների համար ացելեք՝ www.mlri.crm.aua.am :