Ապրիլի 11, 2019թ.

«Հանքարդյունաբերության օրենսդրության բարեփոխման նախաձեռնությունը» (ՀՕԲՆ) անցում է նոր գործողությունների՝ իր ջանքերն ուղղելով  Հայաստանում պատասխանատու հանքարդյունաբերության ոլորտի հանրային կրթության և շահերի պաշտպանությանը: Սկզբում տեղակայված լինելով  Հայաստանի ամերիկյան համալսարանի (ՀԱՀ) Պատասխանատու հանքարդյունաբերության կենտրոնում՝ ՀՕԲՆ-ը հետևելու է այս ընդլայնված աշխատանքային շրջանակին` որպես անկախ գրանցված հասարակական կազմակերպություն` «Հանքարդյունաբերության օրենսդրության բարեփոխումների կենտրոն» (ՀՕԲԿ): 

ՀԱՀ Պատասխանատու հանքարդյունաբերության կենտրոնի տնօրեն Ալեն Ամիրխանյանը ողջունեց ՀՕԲՆ ծրագրի ընդլայնման այս կարևոր շրջադարձը:

«ՀՕԲՆ-ը ՀԱՀ Պատասխանատու հանքարդյունաբերության կենտրոնի առանցքային նախաձեռնություն է, որն իրականացվել և աջակցվել է  Թուֆենկյան հիմնադրամի կողմից: Այն կատարել է ուսումնասիրություններ և ապահովել է շահառուների ներգրավվածությունը, որոնք նշանակալի դեր են ունեցել Հայաստանի հանքարդյունաբերության բնապահպանական, սոցիալական և տնտեսական ազդեցությունների օրենսդրական բացթողումների իրազեկման բարձրացման հարցում»,- նշեց Ամիրխանյանը, - Հետագայում ակնկալում ենք ՀՕԲՆ-ի գործողությունների ընդարձակում, ավելի շատ իրազեկվածություն և շահերի պաշտպանում պատասխանատու հանքարդյունաբերությանն ուղղված բարեփոխումների համար»:

ՀՕԲՆ ծրագրի ղեկավար Վարանդ Մկրտիչեանն ընդգծեց ՀԱՀ Պատասխանատու հանքարդյունաբերության կենտրոնի շրջանակում ՀՕԲՆ-ի կողմից իրականացված կարևոր աշխատանքը:

«Վերջին տարիների ընթացքում մենք հրապարակել ենք զեկույցներ հանքարդյունաբերության լավագույն փորձի, օրենսդրական բացթողումների և հարկային հարցերի վերաբերյալ: Հայաստանի ամերիկյան համալսարանի կազմում  գտնվելու ընթացքում իրականացրել ենք նաև թափանցիկ և լայնածավալ խորհրդատվություններ շահագրգիռ կողմերի հետ՝ քննարկելով թափոնների կառավարման, ջրի որակի և հանքարդյունաբերության սոցիալական ազդեցությունները: Այս կարևոր գործողությունները հիմք են դրել մեր հանքարդյունաբերության քաղաքականության, հաղորդակցության և շահերի պաշտպանության ջանքերի համար, որոնք առաջ են ընթանում մեր նոր կառույցի շրջանակներում», - նշեց Մկրտիչեանը:

2019 թվականի ապրիլի 15-ին ՀՕԲՆ-ը տեղափոխվում է իր Երևանյան նոր գրասենյակ և գործելու է որպես «Հանքարդյունաբերության օրենսդրության բարեփոխումների կենտրոն» ՀԿ:

2014 թվականից սկսած ՀՕԲՆ-ի գործունեությունը հնարավոր է եղել Թուֆենկյան հիմնադրամի միջոցների շնորհիվ:

«Մենք երախտապարտ ենք վերջին մի քանի տարիների ընթացքում ՀՕԲՆ ծրագրի աջակցության հարցում Թուֆենկյան հիմնադրամի համագործակցության համար, ինչպես նաև հույսով ակնկալում ենք  Հիմնադրամի և ՀՕԲՆ-ի հետագա համագործակցությունը ՀԱՀ-ի հետ», - նշեց Ամիրխանյանը:

Թուֆենկյան հիմնադրամը շարունակելու է մնալ ՀՕԲՆ-ի առանցքային ֆինանսավորող գործընկեր իր հետագա գործողությունների ընթացքում:

ՀԱՀ Պատասխանատու հանքարդյունաբերության կենտրոնը կշարունակի իրականացնել իր բազմաթիվ ծրագրերն ու գործողությունները` խթանելով հետազոտական, կրթական և համայնքային մասնակցությունը պատասխանատու հանքարդյունաբերության բոլոր բնագավառներում: